LASTER IREKITZEKOA

Arzeko jauregia Santa Maria de Arce elizaren babes-ingurunean dago, Kultura Intereseko Ondasun izendatua. Gotiko estiloko eraikina da, ‘u’ formako hiru eraikinek osatua, patio baten inguruan antolatuta, eta patio horretara leiho bikiekin, ojiba-leihoekin, konopialekin eta erdi-puntukoekin irekitzen da.

Ikerketa historiko-artistikoaren arabera, jauregia “XVI. mendearen lehen erdian eraiki zen seguruenik”. Bere zatirik “esanguratsuena” mendebaldeko habeartean dago, “solairu nagusiko ateen antolaketa bereziarekin, leihoetako soluzio ugariekin eta goiko solairuaren argitasunarekin”.

Berritze-lanen helburua da “eraikinari bere jauregi-egitura eta lau isurialdeko dorrea itzultzea”. Horrela, esku-hartzea “aurkitutako materialak errespetatzen dituzten teknika eta material tradizionalekin egingo da”.

Beheko solairuko iparraldeko hegalean sukaldea, kafetegia-jangela, denda eta langileentzako komunak eta aldagelak kokatzea aurreikusten da; eta mendebaldeko hegalean igogailua, eskailerak, komunak, biltegia eta hitzaldiak eta tailerrak egiteko espazio ireki bat. Lehen solairuko iparraldeko hegalean, berriz, jangela eta beheko solairuarekin elikagai-jasogailu baten bidez konektatutako ofizio bat egongo dira. Azkenik, lehen solairuko mendebaldeko hegalean erabilera anitzeko gela bat kokatuko da.

Hori guztia Arze eta Nagoreko Itoizko urtegiaren inguruko aisialdi-eremuaren baitan, mugikortasun murriztua duten pertsonentzat egokitua.